Ubwiza bw’umukobwa nibwo bumuzanira abamurambagiza!

Ibi byavuzwe na FURAHA  Jean de Dieu, umuyobozi ushinwe gahunda muri UGAMA mu ruzinduko yagiriye kuri koperative ABIBUMBYE Kamonyi.

Ni uruzinduko UGAMA yagiriye kuri  koperative ABIBUMBYE Kamonyi kuri uyu wa 22 Gicurasi 2026,igizwe n’amakoperative 4 yishyize hamwe , aho bari gusuzuma no kurebera hamwe imikorere nimikoreshereze y’isoko  ry’ubugeni  ‘’IBIRAMBYE SHOP “ riherereye mu Murenge wa Gacurabwenge, iyi koperative yahawe na UGAMA Kubufatanye na  ARDE/KUBAHO kunkunga ya Medicus Mundi ngo ribafashe kuzamura umusaruro wibyo bakora.

Furaha yabwiye abagize iyi koperative ko umusaruro mwiza kandi uhagije  ku bicuruzwa byabo  uzaturuka kubwiza bwibyo bakora .

Ati:<<Ubwiza bw’umukobwa imbere ninyuma nibwo bumukururira abamurambagiza. namwe rero ubwiza byibyo mukora nibwo buzabazanira abakiriya kuko akeza karigura.>>

Yabwiye abagize iyi koperative kwita kunkingi 4 zigize ubucuruzi bw’umwuga zizwi nka (4PS) mundimi z’amahanga  arizo Ibicuruzwa,aho bicururizwa (isoko) , igiciro ndetse n’iyamamaza bucuruzi (kumenyekanisha) kuko ari bimwe mu byingenzi bizazamura imikorere yiri soko.

Naho NIYOMWUNGERI Charlotte Umukozi ushinzwe icungamutungo muri iri guriro we  yeretse abanyamuryango muri rusange  ishusho  y’umusaruro kubicuruzwa uko  uhagaze mugihe iri soko rimaze rifunguwe, anabagaragariza  uko umusaruro uhagaze kuri  bimwe mubikoresho bigurwa  kurusha ibindi, birimo Inkweto,amasabune atandukanye,ibikapu,ingofero, imitako nibindi.

Naho inteko rusange yo ikaba yemeje ibiciro bishya kuri bimwe  mubicuruzwa biri muri iri soko.Yaganiriye kandi kumategeko ngenga mikorere ya koperative iranayemeza.