Ishusho y’umushinga “Umugore n’ibidukikije” muminsi 12

Mu Karere ka Kamonyi,abagore bibumbiye muma koperative, binyuze mu mushinga “Umugore n’Ibidukikije” bari kumwe na UGAMA mu mahugurwa y’iminsi 12 aho bari guhugurwa kungingo zigiye zitandukanye ku ikubitiro ,bamaze kongererwa ubushobozi mu micungire y’imari hibandwa ku gukemura ibibazo byagaragaraga mu makoperative y’abagore, birimo imicungire idahwitse y’imari, kubura uruhare mu ifatwa ry’ibyemezo by’amafaranga, ndetse n’ihohoterwa rishingiye ku bukungu.

Byitezezwe ko abagera kuri 344 baturutse mu makoperative atandukanye aribo bazahabwa aya amahugurwa y’iminsi 12 ku micungire y’imari ya koperative,ndetse akaba azasiga byibura basigaranye  bumenyi bw’ingenzi burimo gutegura ingengo y’imari, kubika no gucunga neza ibitabo by’ibaruramari , no gutegura igenamigambi ry’imari .

Abanyamuryango bakaba barize uburyo bwo gucunga neza umutungo wa koperative mu mucyo no mu buryo buboneye, hagamijwe kongera icyizere no kunoza imikorere.

Hanibanzwe kandi ku buryo bwo kwizigamira no kugurizanya mu buryo burambye, aho abagore bigishijwe uburyo bwo kubona inguzanyo mu buryo buboneye no kwirinda imyenda ibashyira mu kaga.

Ibi byajyanye no guteza imbere uburinganire mu kugera ku mutungo, kuwugenzura no kuwubyaza inyungu mu makoperative. Ikindi cy’ingenzi cyigishijwe ni uko abagore bashoboye kumenya no gukumira ihohoterwa rishingiye ku bukungu, binyuze mu gusobanukirwa imiterere y’imbaraga, kubaka imiyoboro y’ubufatanye no kongera ubushobozi bwo kwigira mu by’imari.

Iyi gahunda igaragaza intambwe ikomeye mu kubaka amakoperative y’abagore akomeye, acunga neza umutungo wayo kandi ashobora gutanga umusanzu ugaragara mu iterambere ry’ubukungu bw’akarere n’igihugu muri rusange.