IBS shop: umushinga w’isoko mpuzamahanga ry’ubugeni muri Kamonyi.

UGAMA yatangaje  ko umushinga  w’isoko uzwi nka IBIRAMBYE SHOP ryemerewe abakora umwuga w’ubugeni muri Kamonyi   ugeze ku kigero cya 90% ngo ugere  ku musozo.

Umuryango UGAMA na ARDE/ KUBAHO ku bufatanye  na  MEDICUS MUNDI , kuri uyu wa 13 Werurwe mu Murenge wa Gacurabwenge, Akagali  ka Gihinga ho mu Karere ka Kamonyi bari  mu myiteguro yo gushyira hanze ku mugararagaro isoko ryemerewe  abibumbiye mu ma koperative y’ubugeni  bo muri aka Karere.

Ni  murwego rwo kubafasha  kongera umusaruro mubyo bakora,no kubafasha kandi kubona  aho babicururiza.Uyu munsi bakaba basoje icyiciro cyanyuma cyo gushyira bimwe mu bikoresho bizifashishwa muri iryo  soko birimo imashini (laptop,printer.intebe ,utubati ameza nibindi..

Iri n’isoko rigezweho  ryahawe izina rya IBS  “ IBISHYA SHOP” binyuze mumushina witwa GUHANGA IBISHYA BIRAMBYE (“ murwego rwo  guteza imbere abagore bo mu cyaro bibumbiye mu makoperative akorera mu Karere ka Kamonyi, murwego rwo   kubongerera kandi umusaruro, kubahuza mu mikoranire no guteza imbere ubucuruzi buboneye, ku nkunga ya Vitoria-Gasteiz city council.

Bikaba  byatangajwe  ko imyiteguro yo gufungura iri soko ku mugaragaro igeze ku kigero cya 90%, aho imirimo myinshi yamaze gukorwa hasigaye gusa gushyiramo ibicuruzwa biturutse mu ma koperative .

Iri soko rikaba ryitezweho kuzafasha aya makoperative yo mu Karere ka Kamonyi kubona ahantu hahoraho ho gukorera no kumenyekanisha ibikorwa byabo, bityo bikabongerera amahirwe yo kwagura ibikorwa by’ubucuruzi bwabo  no kuzamura imibereho y’abanyamuryango.

Biteganyijwe kandi ko iri soko rizafungurwa ku mugaragaro kuri uyu wa 1 taliki ya 15, rikazaba ari indi ntambwe itewe mu bikorwa byo guteza imbere amakoperative n’imishinga mito ndetse n’iciriritse.

Innocent UWAYISABA